Aste-akabu bete-betea izan dute Algortako Hezetasuna auzoan. Agurra Dantza Taldeak antolatutako Euskal Jaiaren XXXVII. edizioak dantzariak eta dantzazaleak elkartu ditu beste behin, euskal kulturaren eta herriko ohituren bueltan.
Zapatuan eta domekan ez da girorik falta izan. Txistularien kalejirek auzoko kaleak girotu dituzte, eta buruhandiak ere auzoan barrena ibili dira. Dantzek ere leku berezia izan dute, aurreskularien txapelketagaz, dantza-plazagaz, fandango eta arin-arin txapelketagaz eta euskal dantzen erakustaldiagaz.
Horrez gain, domekan azoka izan zen eta putxera lehiaketak ere bere lekua izan du egitarauan. Hala, musikak, dantzek, gastronomiak eta herri-giroak bat egin dute aste-akabu osoan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!