Algortako iragana, oraina eta geroa aldarrikatuko dituzte abenduaren 4an, musikaren bidez

Arene 6 taldeak 21:00etan joko du Muxikebarrin. © ARENE 6

Gu Gara Menderua ekimena egingo dute abenduaren 4an, Algortan, «Iragana, oraina, geroa» lelopean. Arrastiko 18:30ean hasiko da egitaraua, eta lau musika-emanaldi eskainiko dituzte Mugarrin, La Plazan eta Muxikebarrin.

Lehenengo hitzordua 18:30ean izango da, Mugarri tabernan, Ainhoa eta Jonanen emanaldiagaz. Ordubete geroago, 19:30ean, Barne Barnetik taldearen txanda izango da, La Plazan.

Musikak 21:00etan izango du jarraipena, Arene 6 taldearen kontzertuagaz, Muxikebarrin. Algortako punk eta oi! musikaren inguruan sortutako taldea da Arene 6, 2019an eratutako proiektua. Azkenik, 22:30ean, Madbox Oi! taldeak itxiko du egitaraua, La Plazan.

Hala, lau emanaldiren bidez, Algortako hainbat gunetan elkartzeko eta musikaz gozatzeko aukera izango dute herritarrek. Ekimenaren kartelak herriko erreferentzia historikoak eta gaur egungo espazioak uztartzen ditu, «Iragana, oraina, geroa» leloari jarraituz.

 

 

Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun