Udalaren arabera, obrak instalazioaren funtzionamendua eta baldintzak egokitzeko eta beste jarduketa osagarri batzuk egiteko helburua daukate. Aurreikusitako lanen barruan, igogailuaren elementuak aldatzea sartzen da, baita goiko eta beheko instalazioetan jarduketak egitea ere, mendi-hegaletik iragazten den ura jaso eta bideratzeko. Horrez gain, beheko estazioko estalkian lanak ere egingo dituzte, euri-ura errazago husteko helburuagaz.
Gainera, instalazioaren inguruan zabalago dagoen eremu batean, inausketa-lanak eta adarrak kentzeko lanak ere egingo dituztela aurreratu du Udalak, igogailuko bidearen gainean erortzeko arriskua murrizteko. Era berean, dagoeneko beharrezkoak ez diren txartelak baliogabetzeko makinak kenduko dituzte.
Lanak otsailaren amaierara arte iraungo direla aurreikusi dute, igogailuaren zerbitzua hobetzeko eta bere funtzionamendua bermatzeko asmoz.