Familiarteko Berbalagun egitasmoak ordua aldatu duela jakinarazi du Gorlizko ikastetxeko IGEk. Hala, saioak 11:30etik 13:00etara izango dira aurrerantzean, kiroldegiko estalpeko pabiloian. Gogoratu, hurrengo hitzorduak ondorengoak izango direla: otsailaren 22an, martxoaren 22an, apirilaren 26an, maiatzaren 31n eta ekainaren 21ean.
Egitasmoa abiatu zenetik, orain dela hiru hilabete, hainbat joko eta tailer egin dituzte, monitore baten laguntzagaz. Gainera, Bilboko Itsas Museora eta Gorlizko itsasargira txangoak egin dituzte. Halaber, antolatzaileek jakinarazi dutenez, denbora tarte horretan talde eta giro dibertigarria sortu dute, familia eta lagunen artean euskaraz jarduteko eta familia arteko eskolaz kanpoko ekintzak bultzatzeko.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!