Sopelako Udalak bide berdina hartu zuen 2014ko abenduan, eta horren berri emateko bi panel ezarri zituen herriko sarreretan. Hala ere, Bizkaiko Foru Aldundiak eskutitz bidez foru-errepideko bazterretik kentzeko eskatu ostean, Udalak seinaleak lekuz mugitu behar izan ditu.
Fracking-aren kontrako seinaleak jarri ditu Gorlizko Udalak
Udalak Gorliz «fracking gabeko udalerri» izendatzen duten hainbat seinale jarri ditu, horietako bat herriaren sarreran, Trebiñu eta Andra Mari kaleen arteko bidegurutzean. Gorlizko Udala 2013ko maiatzean fracking-aren kontra agertu zen, Udalbatzaren gehiengo osoagaz. Halaber, haustura hidraulikoaren kontra egiteko taldea sortu berri dute, Barrikan, Plentzian, Gorlizen eta Lemoizen lan egingo duena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun