Errehabilitazio Neurologikoaren Saila ekainaren 26an itxi zuten, eta irailaren 30era arte egongo da itxita, “gutxienez”, sindikatuak iragarri duenez. Izan ere, ELAk bere kezka adierazi du, “ospitaleko zuzendaritzak ez baitu hitz eman urriaren 1ean berriz irekiko duenik”. Horren aurrean, Osakidetzak “aldez aurretik programaturiko itxiera baino ez” dela baieztatu du; era berean, “behin behineko” itxiera hori “egiturazko hobekuntzak egiteko” baliatuko dutela iragarri dute. Hala ere, sindikatuak bere kezka azpimarratu du ez dagoela berrirekitzeko “konpromisorik”, eta 2013an gertatutakoa errepikatzearen beldur da, “zerbitzua zazpi hilabetez itxita egon zen”.
“Itxierak pazienteei eskaintzen zaien arretaren kalitateari kalte egingo dio, ospitalean irekita dauden beste solairuetara pasatuko direlarik”, gaineratu du ELAk.