Zapatu honetan, abuztuak 1, Kaleko 27. Pintura Lehiaketa egingo dute Gorlizen. Hala, gura duten guztiek parte hartu ahal izango dute, lan bakarra aurkeztuta; gaia librea bada ere, udalerriko "zerbait ezaguna" margotu beharko dute. Parte-hartzaileak 08:30etik 09:00etara hurbilduko dira kultur etxera (Krutxeta kalea, 5). Bertan, margolariek erabiliko dituzten orrietan zigilua ipiniko dute antolatzaileek.
Lanak 13:30etik 14:00era aurkeztu beharko dituzte, Sertutxena eraikinean (Eloisa Artaza, 3); baita goizean jasoko duten fitxa ere (behar bezala beteta). Sari banaketa arrastian, 07:00etan, egingo dute Sertutxenan. Irabazleak 800 euro jasoko ditu; horrez gainera, hiru accesit egongo dira: bat, 300 eurokoa; diru kopuru berbereko beste bat, 16 eta 30 urte bitarteko parte-hartzaile onenarentzat; eta azkenik, 100 eurokoa, sari barik geratu den gorliztar onenarentzat.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!