"Berez, Gorliz" izenburudun liburu-bildumak bere azken alea dauka; seigarrena, hain zuzen ere. Oraingo honetan, udalerriko landak, eukalipto-sailak, ur-bazterrak eta beste habitat txiki batzuk izango ditu berbagai lanak. Gaur, barikua, Sertutxenan, aurkeztu dute 19:00etan. Aurrekoetan udalerriko bestelako kontuak jaso dituzte, berbarako: lurmuturrak, hondartza, dunak eta Ermua mendia.
Fanos Naturalista Elkarteak argitaratu du liburua: "Landak, eukalipto-sailak, ur-bazterrak eta beste habitat txiki batzuk" izenekoa . Liburua "Berez, Gorliz" bildumako seigarrena eta azkena da, eta gaur bertan aurkeztuko dute Sertutxenan.
Gorlizko Udalak jakinarazi duenez, inoiz ere ez da egin udalerrian horrelako landa-lan "sakonagorik" natura arloan. Bildumako aurreko bost liburuak honako gaiak hartzen dituzte: lehenengoan, azterlan naturalista baten sarrera egin zen; bigarrena, itsaslabarrei buruzkoa izan zen; hirugarrena, haremunei buruzkoa; laugarrena, arteei buruzkoa; eta bosgarrena, pinudiei buruzkoa.
Bilduma osoa salgai dago Gorlizko Turismo Bulegoan, Sertutxena eraikuntzan bertan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.