Apirilaren 15era arte aukera egongo da Gorlizen aurtengo Santiago jaien pregoilaria izateko proposamenak aurkezteko. Kultur etxean eta Sertutxenan postontzi bana ipini dute horretarako. Behin aurkezteko epea amaituta, proposamenak aztertuko ditu jai-batzordeak.
Hala, udarako argitaratu ohi den liburuxkan ezagutaraziko dute Santiago jaien pregoilaria nor izango den. Aukeratutako lagunak pregoia irakurri beharko du festei hasiera emateko uztailaren 23an, udaletxeko balkoian dagoela. Horren ostean, jaitsieran eta hainbat ekitaldi, sari-banaketa eta aurkezpenetan parte hartu beharko du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!