Gorlizko txirrindularitza-eskolen bigarren proba egingo dute zapatu honetan, ekainak 4, Gorlizen bertan. Udalak jakinarazi duenez, oraingo proba lasterketa-modalitatean izango da. 17:00etan hasiko da Itsasbide kalean lasterketa, eta handik hiru bat ordura, leku berean amaituko da.
Parte-hartzaileek 2 eta 10 kilometro arteko distantziak egin beharko dituzte, kategoriaren arabera. Hala, 7 eta 8 urteko umeek distantzia laburrena egingo dute; hasiberriek, 3.000 metro; 1. urteko kimuek, 4.000; 2. urteko kimuek, 4.500; 1. urteko haurrek, 8.000; eta 2. urteko haurrek, 10 kilometro.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!