San Pedro plazak hartuko ditu santuaren egunean haren omenezko ospakizunak, hilaren 29an, eguaztenean. Horretarako, egitarau oparoa antolatu dute, auzotarren eta bertaratzen diren guztien gozamenerako. Hala, arrastiko 19:00etatik aurrera, Gorlizko Aratz dantza-taldeak dantzaldia eskainiko du.
Ondoren, bertaratutako gizon-emakumeek areto-dantzak zein ondo egiten duten erakusteko aukera izango dute. Bien bitartean, gose direnek sardinak jateko parada edukiko dute, gero indarberrituta, berbenan dantza egin ahal izateko. Horrez gainera, neska-mutil gazteek zezensuzkoaren aurretik, edo atzetik, korrika egiteko aukera izango dute, 22:30etik aurrera. Hala, arrasti osoan herri-giroaz gozatzeko egundoko aukera izango da ekainaren 29koa, 19:00etatik 23:45ak bitartean.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.