Domekan egingo da Gorlizko herri-krosa

Erabiltzailearen aurpegia Hiruka 2016ko irailaren 7a

Iazko herri-krosa. © GORLIZKO UDALA

Gorlizko Udalak antolatuta, irailaren 11n, domeka, Gorlizko IV. Herri Krosa egingo da, goizeko 11:00etatik aurrera, Eliz plazan hasita. Ibilbideak bost kilometro izango ditu herrian eta hondartzan zehar, berriro ere elizaren aurrean amaitzeko. Aukera dago buelta bakarra zein buelta bi emateko. Interesatuek 10 euro ordaindu beharko dituzte izen-ematea egiteko, beti ere Internetez eta irailaren 8ra baino lehen egitekotan.

Lasterketaren egunean ere inskripzioa egin ahal izango da, irteeran, 09:30etik 10:30era, baina bost euro garestiago izango da. Diru dena Gorliz eta Plentziako Jangai elkarteari emango diote, elikagai-bankua babesteko. Izen-ematea Kirolprobak.com gunean egin daiteke.

Antolatzaileek ez dute 450 parte-hartzaile baino gehiago onartuko eta lehenengo 300ek kamiseta bat izango dute opari. Zortzi urte baino gutxiagoko neska-mutilak ezin izango dira inskribatu.

Ekimenaren kartela

Iazko herri-krosa. © GORLIZKO UDALA

Kirolak Gorliz
Irakurle agurgarria:

HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.

Egin zaitez HIRUKAlagun eta gozatu euskaraz!


Izan zaitez HIRUKAlagun