Gorlizko txirrindularitzaren zaleak pozik egon daitezke daborduko. Pasa den barikuan, Hondarmendi txirrindularitza-klubak 2016-17 denboraldiaren aurretiko sasoiari hasiera eman zion. Iberrebarri plazaren inguruan, 2010ean baino lehen jaiotako neska-mutilek berrartu edo hasi zituzten entrenamenduak.
Hondarmendiren prestatzaileek gupida izan zuten gaztetxoekiko eta “jolasak, jolasak eta jolas gehiago” programatu zituzten. Izan ere, klubaren iritziz “kirola ondo pasatzeko aitzaki bat besterik ez da”. Hala, gorputz-koordinazioa, psikomotrizitatea eta trebetasun fisikoak landu zituzten bitartean, irribarretsu ibili ziren bizikletazale gazteak.
Gorlizko tropelera batu gura dutenek oraindino egin dezakete, hondarmendi.txirrindularitza@gmail.com posta elektronikora mezu bat bidaliz.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!