"Homofobia iraganeko kontua da" erakusketa irailaren 17ra arte ikusgai egongo da, Gorlizko Sertutxena eraikinean. Ordutegia honako hau da: 10:00etatik 14:00etara eta 16:00etatik 20:00etara. Horregaz batera, eguen honetan, uztailaren 13an, bisita gidatua eta eztabaida egingo dituzte, 18:00etan; parte hartu gura dutenek aldez aurretik izena eman beharko dute, Gorlizko Turismo Bulegoan.
Sexu-eskubideak giza-eskubideak direla eta, ondorioz, unibertsalak izanik, ez daudela ohituren edo sinesmen kulturalen menpe aldarrikatu gura du Aldarte zentroak, sentsibilizazio ekimen honegaz. Sexu-aniztasunarekiko fobia munduan zehar zabalduen dagoen gorrotoetako bat dela agerian uzten du erakusketak: hainbat herrialdetan gobernuek beraiek hiltzen eta jazartzen dituzte lesbianak, gayak, transexualak, transgeneroak, bisexualak eta intersexualak.
"Homofobia iraganeko kontua da" erakusketa 13 panelez osatuta dago. Bertan, euskaraz eta gazteleraz, LGTTBI kolektiboaren sexu-eskubideek izan duten garapena azaltzen duten datuak aurki daitezke.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
