Domeka honetan, uztailaren 30ean, Zura izeneko laukoteak kontzertua joko du Gorlizko elizan. Ekimena XVI. Udako Jaialdiaren barruan dago, bertoko Udalak antolatutako udako egitarauaren barruan, arte eszenikoen ingurukoa. Kontzertua 21:00etan hasiko da; sarrera doakoa da.
Taldeko lau musikariak honako hauek dira: Iñaki Lagos eta Maddi Arana (biolinak), Ainara Basaguren (biola) eta Nuria Nieto (txeloa). Errepertorioari dagokionez, lehenengo zatian Webern, Beethoven eta Haydn joko dute. Ostera, bigarren zatia euskal konpositoreei eskainiko diete, De Arriaga, Usandizaga eta Guridiren abestiak joz. arreta (Usandizaga…) izango dira.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!