Azkeneko 17 urteotako eskaintzari eutsiz, joan den eguenean abiarazi zuen Xurrutek udako Jazz Ostegunak kontzertu-programa, Huntza taldearen zuzenekoagaz. Aurton, ostera, zuzeneko emanaldien eskaintza antolatzea ez da hain erraza izan Xurrutekoentzat; izan ere, uztail hasieran ez zekiten antolatu ahal izango zuten ala ez, udal-baimenak eta beste zirela eta. Atzenean, Xurrutekoek eta lagunek lortu dute, eta erritmo eta giro ederrean martxan ipini zuten Jazz Ostegunak-en eskaintza, uztaileko azkeneko eguenean. Hona hemen, Gabi de la Mazak grabatutako orduko bideoa:
Irailera bitarteko hurrengo eguenetako egitaraua, honako hau:
Abuztuak 3 Walking Class Hero
Abuztuak 10 Sonic Trash
Abuztuak 17 Roberto Nieva Trio
Abuztuak 24 Mushkum
Abuztuak 31 Carlos Velasco Walking Trio
Irailak 7 Todos los Fuegos
info+: Xurrut