Jon Erdaide atleta gorliztarrak irabazi zuen Donostia-Bilbao lasterketa, Basque Ultra Trail Series zirkuituaren laugarren eta azken proba, joan den zapatuan.
Erdaidek 19 ordu, 53 minutu eta 32 segundo eman zituen Alderdi Ederreko lorategiak eta Areatzako kaiaren arteko 140 kilometroko ibilbidea betetzeko. 16 mendateko eta 16.600 metroko metatutako desnibeleko lasterketa izan zen; hala, "oso txarto" pasa zuen gorliztarrak, hasieran "hoztuta" egon zelako eta geroago belaunean mina izan zuelako, bideoan azaldu duenez. Erdaide bigarren lotu zen lehenengo proban, Bilbao-Gasteiz lasterketan; bigarrenean, lesionatu egin zen, Gasteiz-Iruñea artekoan.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!