Aurten ere, Udan Jolasean egitasmoa egingo dute Gorlizen, ekainaren 25etik uztailaren 20ra lagun artean euskaraz berba egiteko, gozatzeko eta jolasteko udalekua. Jarduera hori 3 eta 5 urte arteko neska-mutilei zuzenduta dago. Askotariko ekintzak egingo dituzte, goizeko 10:30etik 13:30era. Izen-ematea maiatzaren 2tik 12ra arte egongo da zabalik. Horretarako Gorlizko kultur etxera edo euskera2@uribekosta.org email helbidera jo beharko da.
Udalekuak 10:30ean hasiko dira Gorlizko ikastetxean, eta antolatzaileek jakinarazi dutenez, haur guztiek bertara autobusez joateko aukera izango dute.
Udalekuen prezioa 30 eurokoa izango da; halere, familia ugariek 20 euro ordaindu beharko dituzte plaza bakoitzeko eta diru-sarrerak bermatzeko errenta dutenek 10 euro.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
