Opari produktuak edo globoak kalez kale saltzeko eskariak aurkezteko epea ireki du Udalak, Santiago jaietarako (uztailaren 24tik 29ra bitartean, biak barne) eta Andramariko jaietarako (abuztuaren 3tik 5era bitartean, biak barne).
Eskariak aurkezten direnean, nahitaez eduki beharko dute eguneratuta ondoko dokumentazio hau, bertan adierazita zein jaitan parte hartu nahi duten:
- N.A.N.
- Ekonomia Jardueren gaineko Zergari dagozkion epigrafeetako alta-agiria.
- Gizarte Segurantzaren erregimeneko alta-agiria, eta kuotak egunean edukitzearen agiria.
- Erantzukizun zibileko asegurua, jaialdi osoa estaltzen duena.
- Atzerriko pertsonen kasuan, egoitza eta lan-baimenak egiaztatu beharko dituzte.
Aurkezteko epea maiatzaren 2tik 11ra bitartekoa izango da, biak barne, eta Udaletxeko HAZen aurkeztu beharko dira (Eleiz enparantzan), web-orriaren bitarte edo indarreko arauteriak baliozkotzat jotzen dituen edozein administrazio-erregistrotan (Administrazio Publikoen Administrazio Prozedura Erkideari buruzko urriaren 1eko 39/2015 Legearen 16. artikulua).