Zapatu goizaldeko istiluak "ekintza isolatua" izan zirela adierazi du Gorlizko Udalak

Edukiontzi bat sutan, artxiboko irudian.

Gorlizko Udalak "tamalgarritzat" eta "ekintza isolatutzat" jo ditu zapatu goizaldean Santiago jaietan egon ziren istiluak: "kontrolik gabeko" hainbat lagunek osatutako taldeak hainbat edukiontzi erre, komun eroangarriak lurrera bota eta paperontziak kaltetu zituen. Hasiera batean, "El Correo" egunkariak aurretik izan zen Vendetta taldearen kontzertuagaz lotu zituen istiluak; Udalak batak bestearekin zerikusirik ez duela adierazi du.

Istilu horiek alde batera utzita, santiagoak "normaltasun osoz" ospatu zituztela adierazi du Gorlizko Udalak. Aipatutako gertaerek Vendetta taldearen kontzetuagaz harremanik ez daukatela nabarmendu dute agintariek: esan dutenez, musika-ekitaldian "giro ezin hobea" egon zen eta jende askok parte hartu zuen.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun