Udako jaiak 2018

Sukalki-txapelketa izango da protagonista Urezarantzako jaietan

Sukalki-lehiaketa domekan egingo dute. © GABI DE LA MAZA

Andra Mari festen ostean, Gorlizko udako azkeneko jaiak helduko dira bihar, abuztuaren 18an, zapatuagaz. Ospakizunak Urezarantzara mugituko dira, bi egunez txoko hori jai-giroan murgiltzeko asmoagaz. Tradizio handikoa da domekako sukalki-lehiaketa.

Jaietako egitaraua

Abuztuak 18, zapatua

  • 12:00 Puzgarriak, kiroldegian.
  • 13:00 Luncha denentzat, trikiti-doinuek lagunduta.
  • 16:30 Kirol-, briska-, tortilla- eta tute- txapelketak, kiroldegian. Tortillen sariak: 30, 20, 10 eta 5 euro.
  • 19:00 Umeentzako ikuskizuna.
  • 20:00 Aratz Dantza Taldearen emanaldia.
  • 21:00 Disko-gaua, DJ Markelinegaz, 24:00ak arte.
  • 22:30 Zezensuzkoa.

Abuztuak 19, domeka

  • 10:00 47. Sukalki Txapelketa Okarantxun. Argibide hauek eman dituzte antolatzaileek: barbakoak eta gasezko sukaldeak bakarrik erabil ahal izango dira, egurrik ez. Bestalde, Artebiondo estratatik sartu eta txosnako estratatik irten beharko dute ibilgailuek.
  • 12:00 Trikitilarien kalejira, 15:00ak arte.
  • 12:00 Herri-kirolak eta jolas tradizionalak: zaku lasterketa, aulkien jolasa, eta beste hainbat, 14:30ak arte.
  • 13:00 Sukalki-lapikoen aurkezpena, trikiti-doinuek lagunduta, 14:30ak arte.
  • 17:00 Sukalki-txapelketaren sari-banaketa.
  • 18:00 Herri-kirolak: txingak, abarka-jaurtiketa eta sokatira.
  • 20:30 Jaien amaiera.