Sopelako eta Mungiako udal-igerilekuetan izena emateko laguntzak emango ditu Gorlizko Udalak

Ur kirolak egiteko diru-laguntzak emango ditu Gorlizko Udalak. Artxiboko irudia. © GETXOKO UDALA

Aurten ere, Gorlizko Udalak diru-laguntzak emango ditu gorliztarrek inguruko udalerrietako igerilekuetan izena eman dezaten. Hala, udalerrian erroldatutako 18 urtetik beherako gazteek Sopelako edo Mungiako udal igerilekuetako ikastaroetan igerian ikasi gura badute, Udalak diru-laguntzak emango dizkie.

Azaldu dutenez, emango duten laguntzaren zenbatekoa kalkulatzeko, kontuan hartuko dute zein alde dagoen kasuan kasuko udalerriko bazkideen kuotaren eta Gorlizko erabiltzaileentzat finkatzen den kuotaren artean.

Diru-laguntza horiek guztiak 2018ko ikastaroetarako deialdia arautzen duten oinarrien arabera emango dira. Eskariak aurkezteko epea abenduaren 12an amaituko da.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun