Gorlizko Ikastetxea handitzeko 410.000 euro bideratuko ditu Eusko Jaurlaritzak

Bertan ikasteko eskaria gero eta handiagoa denez, bost gela gehigarri sortuko dituzte Gorlizko Ikastetxean, Eusko Jaurlaritzaren diru-laguntzagaz. Gaur egun ikastetxea osatzen duten eraikin bien artean egingo dituzte eraikuntza-lanak.

Jolastoki estalia dagoen lekuan egingo dituzte bost gela berriak, patioaren zati bat mantenduz, Eusko Jaurlaritzaren Hezkuntza Sailak adierazi duenez. Zortzi hilabetean eraikina amaituta egongo dela dio Jaurlaritzak; trabak saihesteko, lanen zati nagusia oporretan egingo dutela ere iragarri dute.

Gorlizkoa ez da Uribe Kostan leku barik geratzen dabilen ikasleku bakarra. Sopelan, Zipiriñeko ikasleen gurasoak ere kexu dira. 900 umek ikasten dute bertan eta, antza, ez dago behar beste lekurik guztientzat. Bestalde, Urdulizko Elortza Eskola Publikoak 2018-2019 ikasturte-hasieran zabaldu berri du eraikina, ikasle-kopuruaren gorakadak behartuta.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun