Kirolak  Gorliz 2019-05-02 13:15

Udako kirol-campusa egingo dute Gorlizen

Erredakzioa

Askotariko kiroletan ibiltzeko campusa antolatu du Gorlizko Udalak uda honetarako, 3 eta 12 urte bitarteko umeentzat. Horretan parte hartu gura dutenek aldez aurretik eman beharko dute izena, gaur eta maiatzaren 15era bitartean.

Udako kirol-campusa egingo dute Gorlizen
Futbolaz gainera, askotariko kiroletan ibiliko dira umeak. JCOMP | Ikusi handiago | Argazki originala

Campusak lau txanda izango ditu: ekainaren 24tik 28ra, uztailaren 1etik 5era, uztailaren 8tik 12 eta uztailaren 15etik 19ra. Saio denak 9:30etik 14:00etara izango dira, kiroldegian, hondartzan eta pinudian.

Astebeteko programaren truke 80 euro ordaindu beharko dituzte Gorlizen, Plentzian edo Lemoizen erroldatutakoek; gainontzekoek 100 euro ordaindu beharko dituzte. Bi astetan parte hartu gura dutenek, aldiz, zenbateko horri 16 edo 23 euro gehitu beharko diote, hurrenez hurren. Familia ugaridunek %15eko deskontua izango dute.

Argibide gehiagorako eta izena emateko honako bideak erabil daitezke: gorliz@gorliz.net posta elektronikoa eta 946 774 000 telefono-zenbakia.

Erantzun

Erantzuteko, izena emanda egon behar duzu. Sartu komunitatera!

»» Alta eman edo pasahitza berreskuratu


Twitter ikonoa Facebook ikonoa