Udako jaiak 2019

Gauera bitarteko festa-eguna izango dute gorliztarrek San Lorentzo egunean

Goizean belatzak ikusi ahal izango dira. PUBLIC DOMAIN

Urtero legez, Gandia plazan ospatuko dute San Lorentzo eguna Gorlizen, abuztuaren 10ean. Hala, zapatu horretarako egun osoko egitaraua prestatu dute udalerrira hurbilduko diren gizon-emakume denentzat.

Goizeko 11:00etan emango diote hasiera ospakizunari, txupina jaurtiz. Ondoren, 11:30ean, umeentzako puzgarriak egongo dira, eta 12:00etan falkoneria-erakustaldia. Zintzurrak bustitzeko eta tripak betetzeko saiheski-jana eta sagardo-edana egingo dute ostean, 14:00etan. Arrastian, aldiz, jolasak (18:00), gau-dantza (21:00) eta zezensuzkoa (22:30) egongo dira gozagai. Azkenik, egunari amaiera emateko, gau-dantza egongo da, 22:30etik aurrera.