Gizon bat hil da Gorlizen, sute baten ondorioz

Sutea Iberre Zeharbidean jazo da gaur.

Gaur goizean 50 urteko gizon bat hil da Gorlizen, Iberre Zeharbideko etxebizitza batean jazotako sute baten ondorioz. Gainera, udaltzain bi artatu behar izan dituzte, kea arnasteagatik.

Eusko Jaurlaritzako Segurtasun Sailak jakinarazi duenez, sutea 10:30ak aldera piztu da, Gorlizko Iberre Zeharbideko etxebizitza batean. Udaltzainek gizon bat atera dute etxetik, baina handik gutxira egiaztatu dute hilda zegoela. Ertzaintzak gertatutakoa argitzeko ikerketa abiatu du, baina, dirudienez, sutea hildakoaren logelan zegoen koltxoian piztu da.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun