Nor nahi duzu 2020ko Santiago jaietako pregoilaria izatea?

Gorlizko Santiago jaiak, artxiboko irudian.

Gorlizko Santiago jaietarako pregoilari bila dabiltza herrian. Hori dela eta, jai batzordeak herri-galdeketa bat prestatu du eta jasotako proposamenen artean erabakia hartuko du. Proposamenak apirilaren 30era arte bidali ahal izango dira, hemendik.

Gorlizko jai batzordeak jakinarazi duenez, pertsona fisikoen, erakundeen, elkarteen, pertsona-taldeen, emakumeen, gizonen eta haurren proposamenak aurkeztu ahal izango dira, eta, azken batean, "herritarrek udalerriaren transmisore eta ordezkari zuzentzat jotzen duten edozein pertsona". Azpimarratu dutenaren arabera, proposatutakoak ez du zertan jaiotzez gorliztarra izan behar. "Hori bai, Gorliz herriarekin zerikusi nabarmena izan bai".

Jai batzordeak apirilaren 30era arte bidalitako proposamenak kontuan hartuko ditu.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun