Koronabirusa Uribe Kostan

Ludoteka eta Gazteleku zerbitzuek badute euren bloga

Gorlizko Udalak, Kultura Sailaren bitartez, “Gorlizko Ludoteka eta Gaztelekua” izeneko bloga sortu du, udalerriko familiei topagune bat eta eskaintza dibertigarri eta hezitzaile bat eskaintzeko asmoz. Izan ere, gogoratu behar da alarma egoera ezarri zenetik haur eta gazte ekipamenduak jendearentzat itxita daudela.

Blog horretan tailerrak, jolasak, erronkak, musika- eta dantza-jarduerak eta “familian Jolasean” eremuak egongo dira. Bertan, familian gozatzeko jolasak eta inguruko zerbitzuek eskainitako baliabideak partekatuko dituzte.

Blogeko jardueren eskaintza handitzen joango da egunero, osasun alertak irauten duen bitartean. Era berean, gune birtual hau udalerriko auzotarren proposamenei eta ekarpenei irekita egongo da une oro.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun