Alkateak zabaldutako oharraren arabera, hurrengo neurriak hartuko ditu Udalak hondartzan jende-pilaketak ekiditeko:
- Udaltzain-laguntzaileak kontratatuko dituzte hondartzarako sarbideak kontrolatu eta beharrezkoa denean horiek ixteko.
- Hondartzara sartzeko hiru sarbide mantenduko dira, beste denak itxiko dituzte.
- Ibilgailuen sarbidea kontrolatuko dute udalerrira sartzeko eta hondartza-gunera joateko.
- TAO enpresagaz komunikazioa mantenduko dute aparkalekuen okupazio-maila zein den jakiteko eta kontrolak aurreikusteko.
- Bi komun ezarriko dituzte. Horretarako, garbitzaileak kontratatuko dituzte uneoro garbi daudela bermatzeko eta horietarako sarbidea kontrolatzeko.
- Joan-etorriak kontrolatzeko kamerak ezarriko dira, udal-webgunetik ikusi ahal izango direnak.
- Hondartzan gehienez 3 ordu egoteko gomendioa egin dute.
- Kirola bainu-ordutegitik kanpo egin ahal izango da soilik.
Uneoro beharrezkoak diren neurriak hartuko direla ohartarazi du alkateak, "unez uneko egoerari aurre egin ahal izateko".