Gorlizko Elexalde aldean ibilgailuen zirkulazioa berrantolatu egingo da gaurtik, astelehenetik, aurrera. Horren helburua da oinezkoentzako eremua zabaltzea inguruko ostalaritza-lokalen aire zabaleko terrazetarako azalera handitzeko. Izan ere, Udalak azaldu duenez, COVID-19aren pandemiak "bereziki zigortu du" udalerriko merkataritza.
Udalerriko erdiguneko merkataritza hauspotzeko asmoz, ibilgailuen zirkulazioa berrantolatuko du gaurtik aurrera Gorlizko Udalak Elexalden. Hala, besteak beste, kenduko dituzte Itsasbide kaleko 1 zenbakitik 23B zenbakira bitarteko aparkalekuak, baita Armintza errepideko 2 zenbakitik 4ra artekoak eta Itsasbide kaleko 14 zenbakikoak. Modu horretan, oinezkoentzat utziko dira tarte horiek eta zirkulazioaren noranzkoa aldatuko da Krutzeta kalean.
Hartutako neurri zehatzak ikusteko sakatu hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!