Nekazaritza eta artisautza azoka bana antolatzen ari da Gorlizko Udala

Uztailaren 25ean lehen sektoreko gaiak egongo dira; hurrengo egunean, aldiz, eskulangintzakoak. Azoka bietako batean parte hartzeko izen-emate epea uztailaren 9an amaituko da.

Gorlizko Udala azoka bana antolatzen ari da uztailaren 25erako eta 26rako. Lehenengoan, nekazaritzari lotutako gaiak egongo dira eskuragarri; bigarrenean, aldiz, eskulangintzakoak, goizetik eguerdira.

Horietakoren batean bere postutxoa jarri gura duenak uztailaren 9a baino lehen eman beharko du izena. Horretarako, eskabideak honela egin daitezke: telematikoki, posta ziurtatuaren bitartez edo Turismo Bulegoan bertan, eskaera-orria eta beste egiaztagiriak aurkeztuz.

Aurten neurri bereziak bete behar izango dira eta horri egokitutako hautaketa sakona egin behar izango dute antolatzaileek.

Informazio gehiagorako:

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun