Euskara ikasteagatik dirulaguntzak emango ditu Udalak

Argazkia: HODEI TORRES

Urriaren 31ra arte eskatu ahal izango dira euskara ikasteko dirulaguntzak Gorlizko Udalean. Laguntza horiek 2019/2020 ikasturtean egindako gastuak ordaintzeko izango dira.

Besteak beste, eskatzaileek euskaltegiaren egiaztagiri bat aurkeztu beharko dute, honako datuak dituena: ikasleak zein maila egin duen, gainditu duen ala ez, egindako ikastaroaren ordu-kopurua eta ordu horietatik zenbatetan joan den. Ordaindu izanaren frogagiria ere erakutsi beharko da. Bete beharreko gainerako baldintzak udal-webgunean ikus daitezke.

Garai latzak dira. Ia egun batetik bestera gure bizimoduak hankaz gora jarri ditu birus batek, eta kolokan daude gauza asko. Hedabideontzat ere ez dira garai gozoak, noiz eta gure lanaren beharra inoiz baino agerikoagoa denean. Horregatik, zure laguntza materiala ere behar dugu aurrera jarraitzeko.

Honenbestez, HIRUKAlagun egitera animatzen zaitugu, urtean 35 euroko ekarpena eginda, edo gure 5. urteurrena dela eta martxan ipini dugun Eman Bostekoa HIRUKAri kanpainan parte hartzera (bost euroko ekarpena eskatuko dizugu). Horretarako, jarri gugaz harremanetan administrazioa@hiruka.eus helbidera mezu bat idatziz.


Izan zaitez HIRUKAlagun