Ibilgailuek ezin izango dute zirkulatu, ezta aparkatu ere, eskola egunetan, 08:30etik 09:30era eta 15:30etik 16:30era. Neurri horrek Kinpulena kalean aplikatuko da, ikastetxearen inguruan. Gorlizeko Udalak neurri horiek hartu ditu inguruotan pertsonen eta autoen pilaketak saihesteko, COVID-19aren pandemiaren aurkako neurrien testuinguruan. Arautze berri hori bideratzeko Udalak jarriko ditu beharrezkoak diren seinale eta bide markak.