Euriak ez ditu Gorlizeko San Pedro ospakizunak zapuztu

Gorliztarrek udako lehen ospakizuna izan zuten atzo, San Pedro Egunean, santu horren izena daraman plazatxoaren inguruan hainbat jarduera egin baitzituzten. Egitaraua goizetik hasi zuten, eta, arratsaldean, hainbat bizilagun batu ziren Aratz dantza-taldearen ikuskizunagaz gozatzeko. Emanaldiaren erdian euria hasi bazen ere, adin guztietako dantzariek ikuskizuagaz jarraitu zuten, eta, besteak beste, Ezpata-dantza, Txulalaia, Zintza-dantza edo Kaxarranka dantzaldiak eskaini zituzten. Eguna bukatzeko, sardina-jana, disko-festa eta zezensuzkoa izan zituzten.