Lau egunez, askotariko ekintzak egongo dira Gorlizen. Hala, besteak beste, pintxo-lehiaketa egingo dute udalerriko taberna eta jatetxeek. 1,2 euroko prezioan, pintxo bereziak eskainiko dituzte eta, bezeroek, euren aldetik, "pintxo txartela" zigilatu beharko dute; hiru zigilu lortuta, sari ezberdinen zozketan parte hartu ahal izango dute. Horrez gainera, plater bereziak eskainiko dituzte hainbat jatetxek.
Baina ez da dena edan eta jana izango Dastatuarten. Izan ere, hainbat ekintza eta tailer antolatuko dituzte egunotan, hala nola joskintzan trebatzeko, kontserbak egiteko, antzerkian murgiltzeko edota zirkuan aritzekoak. Horietan parte hartzeko aldez aurretik izena eman beharko dute interesatuek. Ekitaldi guztiak, hemen.
