Santiago eta Andra Mari jaietan edonor etxera lasai bueltatu ahal izateko Etxeratze Segurua izeneko zerbitzua eskainiko du Gorlizko Udalak. Uztailaren 24, 25 eta 26an; eta abuztuaren 6 eta 7an egongo da indarrean, goizaldeko 02:30etik 05:30era.
Udal-iturriek azaldu dutenez, edonork erabil dezakeen doako zerbitzua izango da. Itxasbide kaleko 15. zenbakian karpa bat egongo da, BBKren ondoan, eta, bertatik, Gorlizen ibilbidea egingo duen minibus-taxi bat egongo da. Gaineratu dute zerbitzuak Plentzian ere geldiune bat egingo duela.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!