Gorlizko Udalaren mendeko eraikinetako garbiketa-sektoreko langile azpikontratatuek lan-hitzarmena lortu dute. Hala, udalerriko kale-garbiketako lanetan daudenen soldata-arrakalari amaiera eman diote, lanbide-kategoria bera lortuta.
Akordioa sinatzeak amaiera eman dio 2021eko uztailaren 1ean hasitako grebari. ELA sindikatuak azaldu duenez, akordioak hainbat hobekuntza jasotzen ditu: 2023rako % 32ko soldata-igoera eta 2024rako % 44koa. Bi igoera horiek Bizkaiko eraikin eta lokalen garbiketarako hitzarmen probintzialaren gainetik daude.
Guztira, Gorlizko udal-eraikinak garbitzeaz arduratzen diren zortzi langile dira. ELA sindikatuak langileak zoriondu ditu borrokagatik, eta deitoratu du Bizkaiko hitzarmenean horrelako hobekuntzak adosteko aukera galdu izana.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
