Utxupik adierazi duenez, 2021eko udan jarri zituzten radarrak, eta, ordutik, hainbat kolpe eta harrikada jaso dituzte. Azkenean, urte horretako irailean, Tribiñu kaleko radarra lurrera bota zuten, eta, urrian, Mungia Bidekoan kokatuta zegoena. Hori dela eta, hainbat segurtasun kameraren instalazioa martxan jartzea erabaki dute.
"Apurketa hauek konpontzea oso garestia da eta, horregatik, orain existitzen diren segurtasun kameren mantenuko kontratazioan kamera berri hauek ere sartu ditugu", azaldu du Utxupik.