HMIP honegaz, Gorlizko Udalak 2030 Tokiko Agendan hartutako konpromisoei erantzun gura die. Bertan, Garapen Iraunkorreko 17 Helburuak (GJH) jasotzen dira. Plan hori epe labur eta luzerako ibilbide-orria da, datozen 10 urteetan udalerriko mugikortasunaren lehentasunak eta jarduketak zehazten dituena. ”HMIP funtsezko tresna da 2030 Agendarekin dugun konpromisoan, Gorliz eta bere ingurunea bizitzeko gune egoki eta atsegina bihurtzeko. Gorlizen ere klima-aldaketaren aurkako estrategiarekin bat egiten dugu, eta, batez ere, gaur egungo bizilagunei eta etorkizuneko belaunaldiei bizi-kalitate hobea eskainiko diegu plan honekin“, adierazi du Nagore Utxupi alkateak.
25 jarduera 9 jardun-arlotan banatuta
Dokumentu horrek udalerrian mugikortasun jasangarriagoa lortzeko proposatutako ekintzak biltzen dituen ekintza-plana jasotzen du. Ekintza horiek lehenetsi eta baloratu egin dituzte, behar bezala aplikatu ahal izateko.
Jarduera sorta horren azken helburua da ibilgailu motordunek pixkanaka konkistatu duten eremuari berriro heltzea, "gorliztarrek udalerri lasaiagoa, osasungarriagoa, seguruagoa eta ingurumenarekiko begirunetsuagoa izateko".
Hori dela eta, plan berriak oinezkoentzako ibilbideen sare bat sortzea aurreikusten du, baita egungo bizikleta-bideen sarea eta aparkaleku-sarea handitzea ere, udalerriko auzo eta ekipamendu garrantzitsuenak lotuko dituena. Alde horretatik, bizikleta lehentasunezko garraiobide bihurtuko da, eta Udalaren mugikortasun-politiketan txertatuko da.
Ekintza-plana 9 jardun-arlotan egituratuta dago, eta guztira 25 neurri biltzen ditu:
1. Oinezkoen joan-etorriak hobetzea:
- Oinezkoen gune zentrala: Itsasbiden egindako jarduketen osagarri den gune bat eremu horretan, lehentasuna emango zaio oinezkoentzako ibilbideari, bide-segurtasuna hobetzeko, motorrik gabeko moduen erabilera areagotzeko eta ibilgailuen trafikoak eragindako kanpo-eraginak murrizteko neurriak har daitezen.
- Oinezkoentzako ibilbide-sare bat sortzea: Neurri honen azken helburua da oinezkoentzako sare jarraitua eta irisgarria diseinatzea. Horretarako lehen urratsa oinezkoentzako ibilbide nagusien sare bat zehaztea da, Gorlizen bidaiak sortzen eta erakartzen dituzten zentro handiak oinezkoentzako gune nagusiagaz lotzeko, modu funtzional, seguru, azkar, eroso eta erakargarrian oinez
- Ibilbide osasungarrien sare bat sortzea: Helburu nagusia da oinezkoentzako ibilbideen sarea osatzea, paisaia-kalitate handiagoan eta zarata-maila txikiagoan oinarritutako ibilbideak sortuz, Gorlizko parkeen eta lorategien arteko eta landa-inguruneko loturen bidez.
2. Bizikletazko bidaiak hobetzea:
- Bizikleta-sarea handitzea: Txirrindularien mugikortasuna handitzea, bizikleta-azpiegitura egokia, funtzionala, konektatua eta segurua bultzatuz.
- Bizikleten aparkaleku-sarea: Helburu nagusia da helmugan aparkalekua bermatzea, bizikletaren erabilera disuasorioa izan ez dadin, bizikletarentzako aparkalekuak sartuz.
- Bizikleta-sistema publikoa bultzatzea: Bizikleta bidezko mugikortasunaren eskaria bultzatzea, bizikleten sistema publikoa hobetuz, udal jatorri/helmuga nagusiei estaldura emateko.
3. Zirkulazioa eta bide-sarea:
- Bide-hierarkia berria: Udalerrian bide-hierarkia berri bat ezartzea, oinezkoentzako gune nagusi bategaz, ingurubideagaz eta kanpoko sarbideak sustatuz.
- Sarbide mugatuko eremua eta bide-sarearen birformulazioa: APR bat ezartzea: Eremurako sarbidea egoiliarrei eta jabeei mugatzea. Mugatu zamalanetarako ibilgailuei sarbidea ordutegi jakin batzuetan.
- Trafikoa eta bide-segurtasuna baretzea: Oinezkoen eta txirrindularien istripu eta harrapaketa kopurua murrizteko. Trafikoa baretzeko neurriak hartzea, udalerriko erdiguneetan eta hiriguneetan gehiegizko abiadura eta oinezkoentzako presioa murrizteko.
- Bideak eta oinezkoen lehentasuna seinaleztatzea: Helburua oinezkoen eta txirrindularien harrapaketa kopurua murriztea izango da. Ibilgailuen istripu-tasa Ibilgailuen zirkulaziorako eta oinezkoei lehentasuna emateko seinaleak jartzea, oinezkoei segurtasun-maila handiagoa emanez eta eremuetako zirkulazioa hobetuz.
4. Aparkalekuak:
- Plaza egokituak sartzea: Erreserbatutako plazak MMPra egokitzeko irizpideak ezartzea, eta ez soilik erreserbatuak. Uste da udalerrian dagoen betetze-maila kontuan hartuta, esku hartuko den plazen ehunekoa gutxiengoa izango dela.
- Eskaintza eskarira egokitzea: Egungo eta etorkizuneko eskaintzaren inbentarioa egitea, eskaerara egokitu ahal izateko, batez ere kaltetutako eremuetan bizi direnena.
- Disuasio-aparkalekua: Ibilgailua aparkatzeko gune egokitu bat ezartzea, ibilgailua herrigunera sar ez dadin.
5. Garraio publikoa:
- Metrora anezka-zerbitzua: Gorlizko herri-sarea gaitasun handiko inguruneakaz konektatzea.
- Garraioa eskarira: Eskari txikiko eremuetan nolabaiteko garraio publikoko zerbitzua eskaini ahal izatea.
- Informazioa hobetzea: Erabiltzaileari maiztasunei buruzko eta hurrengo autobusari buruzko informazioa hobetzea geralekuan, bitarteko telematikoen bidez.
- Irisgarritasun unibertsala hobetzea udalerriko geltokietan: Garraio publikorako irisgarritasun unibertsala hobetzea.
6. Mugikortasunaren kudeaketa:
- Garraio-planak idaztea bultzatzea: Lantokietarako Mugikortasun Planen idazketa Lantokietan mugikortasun iraunkorra sustatzea. Enpresen arteko lankidetza sustatzea, joan-etorrietan alternatiba komunak bilatuz.
- Partekatutako autoaren kluba: UKANAUTOren erabilera sustatzea eta bidaia partekatzeko komunikazio-tresnak sortzea.
- Bide-segurtasuna eskola-ingurunean: Sarbideetan ikasleen segurtasuna bermatzea.
- Eskola-bideak: Ikasleen desplazamenduak bermatzea erdigunetik Ikasleak mugikortasunari eta bide-segurtasunari dagokienez heztea.
7. Mugikortasuna hirigintza-plangintzan txertatzea:
- Garapen berrietarako mugikortasun-gomendioak: Etorkizuneko esku-hartze urbanistikorako esparru bat ezartzea, HMIP honetan ezarritako helburuetan oinarrituta.
8. Ibilgailu elektrikoa:
- Ibilgailu elektrikoaren erabilera sustatzea: Ibilgailu elektrikoa sustatzeko neurriak sartzea.
- Kargatzeko puntuak ezartzea: Bidaiaren helmugan zein jatorrian kargatzeko aukerak hobetzea.
9. Komunikazioa plana:
- HMIPren komunikazioa: HMIP honetan zehaztutako mugikortasun- neurriekiko komunikazio-, hezkuntza- eta sentsibilitate-kanalak sortzea, ahalik eta herritar gehienengana iristeko eta neurriak ezartzeko onargarritasun-maila hobetzeko.