Gorlizko Udalak gaur ireki eta maiatzaren 13ra arte izango du zabalik diru-laguntzak eskatzeko epea, udalerriko elkarteek eta erakundeek eta pertsona fisikoek udalerriarentzat interesekoak diren hainbat esparru eta diziplinatan egiten dituzten jardueretan laguntzeko, hala nola kultura, kirola, irakaskuntza, euskara, hirugarren adina, gizarte-kohesioa, gizarte-egoera ahulean dauden kolektiboentzako laguntzak, gazteen asoziazionismoa, iraunkortasuna, ingurumen-hezkuntza eta kontzientziazioa edo enplegua sortzea.
Laguntzen guztizko zenbatekoa 78.000 eurokoa izango da, eta horietatik 70.000 hainbat arlo eta diziplinatako irabazi-asmorik gabeko erakundeentzat (hainbat esparru eta diziplinatako jardueretarako: kultura, kirola, gizarte eta hezkuntza jarduerak, kooperazioa.…) izango dira, baita Gorlizko kirolari nabarmenei laguntzeko (2023an nazioarteko kirol-probetan edo maila horretako titulua lortzeko kirol-probetan parte hartzeko asmoa dutenak) eta 2023an garatu beharreko proiektu artistiko, kultural, literario edo antzeko bat aurkezten duten bizilagunei laguntzeko. Beste 8.000 euro erakunde gorliztarren ongizate eta lankidetza-proiektuak bultzatzeko erabiliko dira.
Diru-laguntza horien helburu nagusia da erakunde horien funtzionamendu normal eta zuzenari laguntzea eta udalerriko elkarte-sarea indartzea.
Nola aurkeztu eskabideak?
Entitateen kasuan, eskaerak telematikoki aurkeztu beharko dira, www.gorliz.eus udal webgunearen bidez, eta pertsona fisikoek eskatzaile gisa bakarrik aurkeztu ahal izango dituzte aurrez aurre udal-bulegoetan. Inprimakia edo eskabidea (1, 2. eta 3. eranskinak) udal bulegoetan eta Udalaren webgunean eskura daiteke.
Justifikatzeko gehieneko epea 2024ko urtarrilaren 31 izango da.
Informazio guztia www.gorliz.eus webgunean publikatutako oinarrietan.