Gorlizko Udalak udan zehar egin ditu udalerriko sei haur-parkeren mantentze, konponketa eta garbiketa lanak, baita Ikastetxeko jolas-gunean kautxuzko lurzoruaren zati baten konponketa ere. Hala, guztira, abuztuan zehar, mota desberdineko zortzi konponketa eta 30 garbiketa eta desinfekzio-jarduketa egin dituzte Argiñena, Kinpulene, Ondargana, Gandia, Urezarantza eta Gaminiz parkeetan. Modu horretan, hasi berri den ikasturteari begira erabiltzeko prest daude gune horiek.
Guztira, maila desberdineko zortzi konponketa eta 30 garbiketa eta desinfekzio jarduketa egin dituzte, zonalde hauek umeentzat seguruak izan daitezen, eta erabilera arriskutsua izan ez daiten. Garbiketak barne hartu ditu lurzorua eta jolasetarako elementuak. Halaber, zikinkeria ezabatzeko erabili dituzte presio handiko ekipoak eta desinfekziorako produktu espezifikoak. Konponketei dagokienez, gehienak oinarritu dira erabilerak berak eta denboraren joanak eragindako higaduraren ondoriozko gorabehera txikiak konpontzean.
Argiñena izan da jarduera gehien bildu duen zonaldea sei konponketa eta zazpi garbiketa-jarduketagaz. Kinpulene, Ondargana, Urezarantza eta Gaminizko eremuetan ere garbiketa lanak egin dituzte, eta Gandian, berriz, babesgarri txiki bat birjarri dute. Azkenik, Ikastetxean kautxuzko lurzoruaren zati bat ere konpondu dute.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
