Gorlizko Udalak herriko Ikastetxeko eraikin osoan banatuta dauden 550 argi inguru ordeztu ditu dagoeneko eginda zeuden zatiak izan ezik (kanpoko argiztapena eta konexioko goiko eraikina). Hala, LED teknologia jarri dute energia aurrezteko helburuagaz. Gainera, sentsorizazio-sistema bat ere ezarri dute argiztapen intentsitatearen presentzia-detektagailuen bidez kontsumoak optimizatuko dituen prozedura integratu bat osatzeko.
Halaber, energia-kudeaketa integraleko sistema bat instalatu dute kontsumoak denbora errealean kontrolatzeko eta administratzeko, eta informazioa denbora errealean irakurtzea errazten duten sare-analizatzaileen koadroetan edukitzeko, bai eta kudeaketa-aplikazio erraz bat ere.
Jarduera horren bidez, energia nabarmen aurreztea lortu gura dute, zehazki, % 60 ingurukoa, baita argiztapen eraginkorragoa ere, erosotasun handiagoagaz. Eraberritze programa zabalago baten bigarren fase baten kokatzen den jarduera izan da, eta, hurrengo urratsak, fatxadaren birgaitze energetikoa eta aerotermia sistema ezartzea izango dira.
Bestalde, ikastetxeko instalazioak berritzeko eta hobetzeko lanen barruan, gela pare bat eta pasillo bat pintatzeko lanak ere egin dituzte. Aurreikusita dago datozen hilabeteetan lan horiekaz jarraitzea, asteburuetan zehar garatuz.