Gorlizko alkatea den Ekaitz Pauk argi du egin beharreko lana: "Gorlizko puntu beltz guztiak kendu nahi ditugu, oinarrizkoa da guretzat, argi faltagatik herritarrengan segurtasun ezaren sentsazioa sor dezaketen puntu guztiak. Orain, beste hobekuntza batzuekin jarraituko, adibidez, Itsasbide kalean, non hondartzako aparkalekuaren inguruko argiztapena indartuko dugun. Etengabeko lana da, lehentasun bat guretzat”.
Herritarren segurtasuna areagotu eta udalerriko argiteri publikoa indartzeko eta hobetzeko hartutako konpromisoaren baitan, Gorlizko Udalak LED teknologiako bi argi berri jarri ditu Urezarantza haur-parkean. Hala, udal-gobernuak 8.159 euro bideratu ditu udalerriko beste puntu beltz bat ezabatzeko. Estratakoetxe parkean ipinitako zazpi argi berrien eta udaletxearen ondoan kokatzen den Andra Maria Elizako aparkalekuan jarritako beste sei luminaria instalatu ondoren, oraingoan Urezarantzan kokatutako jolasgune honen txanda izan da.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun