Gorlizko Udalak Bizkaiko Foru Aldundiaren eta Kosta Zuzendaritza Nagusiaren baimenak eskuratu ditu hondartzako pasealekuko zubia behin betiko konpontzeko. Hala, egur guztiak aldatuko dira, baita barandak ere.
Gorlizko Udalak jarduera hau egiteko kreditu aldaketa onartuta du daborduko. Diru kantitate hori maiatzean izango du erabilgarri eta hilabete horretan obren lizitazioa ateratzea aurreikusten dute.
Urtarrilaren amaieran segurtasun arrazoiengatik itxi behar izan zuela zubia Udalak, egitura egoera txarrean aurkitzen delako. Hondarrak eta salitreak eragindako higaduraren ondorioz, egurra usteldu egin da eta ohol berriak ez dira segurtasunez eusten. Istripurik gerta ez dadin, bidea ixtea erabaki zuen eta zubiaren paraleloan doan bide bat egokitu zuen, bihurgune gehiagogaz baina seguruagoa, herritarrek erabiltzeko prest dagoena.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun
