Urtero legez, hainbat jai ospatuko dituzte uda honetan Gorlizen: Santiagoak (uztailaren 24tik 28ra, biak barne), Andramariak (abuztuaren 2tik 5era, biak barne), Gandia (abuztuak 10), Urezarantza (abuztuak 17) eta Okarantxu (abuztuak 18). Hala, jai horietarako kalez kale saltzeko eskabideak aurkezteko epea zabaldu dute.
Aurkezteko epea apirilaren 15etik maiatzaren 3ra izango da, biak barne. Eskaerak aurrez aurre aurkeztu ahal izango dira Gorlizko kultur etxean (Krutzeta kalea, 5A), astelehenetik barikura, 09:00-13:30 eta 16:30-20:00.
Telematikoki ere egingo da Udaleko webgunean edota postaz, gutun ziurtatu bidez (Krutzeta kalea, 5 A. 48630 Gorliz). Kasu guztietan hurrengo inprimaki erantsi beharko dute interesa duten lagunek: Inprimakia.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!