Gorliz, Plentzia eta Lemoizen erroldatutako haurrentzat bideratuta, udan kirola egiteko hainbat jardueren eskaintza zabalduko dute, besteak beste, igeriketa. Hala, interesa duten gazteek izena eman ahal izango dute ekainaren 3tik 10era arte, hurrengo eskaera beteta. Izena emateko orria kiroldegian edo Gorlizko Udalean tramiteak online-beste batzuk-eskabide orokorra atalean aurkeztu behar da.
Epe barruan izena emondakoen kopurua plaza kopurua baino handiagoa bada, Gorlizen erroldatutakoak lehentasuna izango dute. Beharrezkoa bada zozkatu egingo da: lehenengo, Gorlizen erroldatutakoen artean, bigarrenik, Lemoiz eta Plentzian erroldatutakoen artean eta hirugarrenik ez erroldatutakoen artean. Zozketa egin ondoren inor kanpoan geratzen bada eta norbait badago plaza bat baino gehiagogaz ikastaro berberean, honek plaza bat aukeratu beharko du.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakuleen babesa eta ekarpen ekonomikoa.
Egin zaitez HIRUKAlagun eta gozatu euskaraz!