Antolatzaileek probari amaiera eman baino lehen, Angel Cabello igerilari eta waterpolo jokalaria gogoratu dute, Depor taldeko kirolari historikoa.
Sailkapenei dagokionez, Anton Urangak irabazi du 82. igeriketa lasterketa, 33:35ko denbora lortuz. Bigarren postuan, Roque Oca gelditu da, eta txapelduna baino 17 segundo beranduago heldu da helmugara. Gizonezkoen sailkapen nagusiko hirugarren postua Kairoscopeko Agustin Ibargurenek bete du, 35:24ko denboragaz. Emakumezkoetan, Garazi Bengoetxeak irabazi du Gernika-Kosnoaga txapelketa, 35:35eko denboragaz. Bestalde, Club Deportivo Bilbaoko Maria Garcia izan da bigarren eta CN Mako taldeko Maria Calleja hirugarren. Guztira, 400 igerilari inguru bildu dira lasterketa handian lehiatzeko asmoz. Hala, beste urte batez, guztiek zirraraz bizi dute Gorlizko Badiako igeri zeharkaldi handia.