Gorlizko Udalak gogor gaitzetsi ditu uztailaren 14 gauean, joan den domekan, ikastetxearen aurreko Kinpuleneko komun publikoan egin zituzten ekintza bandalikoak, instalazioak erreta eta txikituta agertu zirelako.
Udalak adierazi duen moduan, "horrelako ekintzek, kalte handiak eta guztiontzako kostu ekonomikoak eragiteaz gain, gorliztarrei ere kalteak eragiten dizkiete, ezin izango baitute zerbitzu hori datozen asteetan erabili". Horregatik, herritarrei eskatu dizkie "gizalegea eta erantzukizuna".
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!