Sareen bitartez elkarteak egin duen komunikatuan adierazi dutenez, Gorlizen katuen ongi izaterako lortu dituzten aurrerapen guztiak ikusita, "harro" itxiko dute etapa hau. Gainera, eskualdean katuen alde egiten duen beste elkarte bat sortu da, beraz, haiek hasitako bidea beste elkarte batek jarraituko du. Halaber, eskerrak eman gura izan diete denbora honetan katuak adoptatu, harrera etxea izan eta boluntario izan diren lagun guztiei.
Katu Arima Gorliz Elkarteak bere jarduna etengo du Udalaren partetik jaso duen laguntza faltagatik, baita dituzten muga ekonomiko eta materialengatik ere. Adierazi dutenez, Udalak ez ditu euren eskaerak entzun eta ez du konpromisorik erakutsi udalerriko katuen ongizatea babesteko. Nahiz eta euren elkartea deuseztatu, azpimarratu dute itxiera "arduratsu" bat egingo dutela, euren ardurapean dauden katu guztiak ondo egongo direla ziurtatuz.
Irakurle agurgarria:
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!
Izan zaitez HIRUKAlagun