Martxoaren 1ean, inauteriak ospatuko dituzte Gorlizen, eta, egun horretan, lehiaketa ere egingo dute arrastiko 18:30ean. Hala, parte-hartzaileek 3 minutu izango dituzte beren sormena erakusteko, ez soilik euren mozorroagaz, baizik eta oholtza gainean egingo duten ikuskizun labur bategaz ere. Izen ematea egunean bertan egingo da, 16:30etik 17:30era.
Lehiaketarako musika izena emateko unean entregatu beharko da, USB bidez. Era berean, artxiboak taldearen edo parte-hartzailearen izena eraman behar du. Ikusleak izango dira epai-mahaia eta ausaz erabakiko dira. Aintzat hartuko dira originaltasuna, eszenifikazioa, sormena, girotzea, erabilitako materialak, koreografia eta sinpatia.
Informazio osoa, hemen.
HIRUKA gure eskualdeko euskara hutsezko hedabide bakarra da; egunero 10 udalerriren berri ematen dugu, eta hilabetero doan duzu aldizkaria kalean, tokiko komertzioetan zein erakunde publikoen egoitzetan. Eta orain doan bidaliko dizugu etxera nahi izanez gero! Proiektua bizirik jarraitzeko, ezinbestekoa dugu zu bezalako irakurleen babesa eta ekarpen ekonomikoa.
Egin zaitez HIRUKAlagun eta gozatu euskaraz!